Sinabi ni Foreign Minister Joseph Wu na ang Taiwan Semiconductor Manufacturing Company (TSMC) ay hindi umaalis sa Taiwan. Sumasagot siya sa mga tanong sa lehislatura.
Sinabi ng TSMC na dadalhin nito ang advanced na three-nanometer na teknolohiya sa bagong planta nito sa Arizona. Ngunit ito ay naka-iskedyul para sa ikalawang yugto nito. Gagawa ito ng five-nanometer chips sa unang yugto nito sa 2024.
Ang lokal na media at disinformation na ipinakalat ng China ay nagdulot ng pag-aalala na maaaring umalis ang TSMC sa Taiwan. Sinabi ni Minister Wu na hindi aalis ang TSMC sa Taiwan at hindi siya nababahala na ang mga pandaigdigang pagbabago sa industriya ng semiconductor ay makakaapekto sa industriya ng Taiwan. Maraming mga bansa ang nagpapalakas ng kanilang sariling produksyon ng mga semiconductor chips, ngunit sinabi ni Wu na ang industriya ng Taiwan ay napakalakas at hindi maaaring gayahin ng ibang mga bansa.
Gayunpaman, sinabi ni Wu na ang China ay nagkakalat ng disinformation na ang TSMC ay aalis sa Taiwan upang maligaw ang mga publiko. Haharapin daw ng gobyerno ang mga maling ulat na ito.