Mga bigkis ng magagaspang at madilaw na votive paper na ginupit na hugis parisukat kung saan ang gitna nito ay dinekorasyunan ng tinfoil ay itinali ng straw. Ang mga nasabing tradisyunal na papel ay ibinebenta sa isang maliit na religious artifacts shop sa Datong district sa Taipei.
Ipinaliwanang ng may-ari ang kahalagahan ng mga ito at ang pagbabago ng halaga nito sa pamilihan. Ang pilak na karaniwang iniuugnay sa underworld ay isang laminated aluminum foil na sinusunog upang sambahin ang mga multo at mga ninuno. Sa kabilang banda, ang gold tinted paper naman ay may parisukat na silver tinfoil at ibinalot ng may bahid na reddish yellow paste. Hindi gaya ng pilak, ang mga replika ng gold paper money ay karaniwang iniaalay lamang sa mga diyos.
Ayon sa tradisyon, ang mga paper offering na karaniwang nakikita sa mga pamilihan ay galing sa mga lokal na pinagkukunan: and string ay gawa sa dayami (straw) na kailangang tuyuing mabuti dahil kapag hindi, maaaring amagin ang mga papel. Ang paste ay gawa sa sweet potato starch samantalang ang dye ay mula sa paglalaga ng mga dahon. Ang proseso ng paggawa nito ay kinakailangan ng lokal na kaalaman, kasanayan, mga kagamitan, at inobasyon kung kaya’t ang mga nasabing bagay ay may natatanging kahulugang kultural, ispirituwal, at makasining.
Sa kasalukuyan, wala na halos mga nayon at artisan workshops sa Taiwan na natatanging gumagawa ng nasabing ritual currency. Maraming iba’t ibang paper money ang maramihang ginagawa na sa Vietnam na may mas murang halaga, at ang mamahaling natural fiber na ginagamit ay pinalitan na ng mga mas mababang kalidad na materyales gaya ng plastik at goma. Bilang resulta, mas marami nang papel ang mabibili sa mas murang halaga na siya namang gusto ng mga mamimili, samantalang marami na ring mga religious o sacred dimensions ng mga nasabing alay ang nawawala na.