Nagsalita si Pangulong Tsai sa 30th National Ten Outstanding Mothers of Love Award noong Lunes. Ang mga batas sa espesyal na edukasyon ng Taiwan ay binago upang taasan ang badyet at protektahan ang mga karapatan ng mag-aaral. Iyan ay ayon kay Pangulong Tsai Ing-wen (蔡英文)sa kanyang talumpati, sa 30th National Ten Outstanding Mothers of Love Award noong Lunes.
Sa kanyang talumpati, sinabi ni Pangulong Tsai na hinahangaan niya ang katigasan at katapangan na ipinapakita ng mga ina kapag nahaharap sa mga paghihirap. Idinagdag niya na ang gobyerno ay gumagawa ng mga pagsisikap na itaguyod ang pangangalaga para sa mga taong may kapansanan sa pisikal at mental. Kabilang dito ang higit sa siyam na raang mga punto ng serbisyo sa pangangalaga na nakabatay sa komunidad gayundin ang mga programa na nagpapataas ng suweldo ng mga kawani at nagpapahusay sa kalidad ng mga serbisyo.
Binigyang-diin ng pangulo na layunin ng pamahalaan na mas mapangalagaan ang mga may problemang pisikal at mental at mabawasan ang pasanin sa kanilang mga tagapag-alaga. Sinabi niya na ang gobyerno ay patuloy na magsisikap at umaasa na ang publiko ay suportahan ang mga taong may kapansanan upang malampasan ang mga hadlang.