Pinili ng National Film Preservation Board ang "Wedding Banquet" ni Ang Lee bilang isa sa 25 na pelikula sa The National Film Registry.
Ang U.S. Library of Congress noong Martes ay naglabas ng kanilang listahan ng 25 na pelikulang isasama sa National Film Registry Listing para sa 2023. Kasama sa listahan ang mga pelikulang gaya ng "Home Alone", "Terminator 2", at "Apollo 13". Kabilang sa listahan ang pelikulang "The Wedding Banquet," sa direksyon ng Taiwanese director na si Ang Lee (李安).
Ang National Film Registry ay isang listahan ng mga pelikulang itinalaga ng National Film Preservation Board (NFPB) na itago sa Library of Congress. Mula nang itatag ito noong 1988, ang NFPB national film preservation board ng United States ay pumipili ng 25 na pelikula bawat taon na itinuturing na gumawa ng mahahalagang kontribusyon sa kasaysayan, kultura, at mga bagaybagay na kinagugusto ng kaeamihan.
Si Ang Lee ay isang Oscar-winning na direktor. Ang 1993 romantikong komedya na "The Wedding Banquet" ay ang kanyang pangalawang pelikula, at noon ay isang Taiwan-U.S. co-production. Ang pelikula ay nagsasabi sa kuwento ng isang Taiwanese gay na nakatira sa New York na hindi pa lumalabas sa kanyang mga magulang. Sinubukan niyang patahimikin sila sa pamamagitan ng pagpapakasal sa isang babae mula sa Shanghai na nangangailangan ng green card. Ayon sa Library of Congress, sinabi ni Lee na ang pelikulang ito ay nagpapaalala pa rin sa kanya ng kanyang hilig sa paggawa ng mga pelikula noong bata pa siya.