Nagpahayag ng pakikiramay si Pangulong Tsai Ing-wen para sa mga biktima ng lindol na may lakas na 6.2 na naganap sa Lalawigan ng Gansu, hilagang-kanlurang Tsina noong Lunes ng gabi. As of 8 a.m. Martes, 111 katao ang namatay at 236 ang sugatan sa Gansu at kalapit na lalawigan ng Qinghai. Nasira at naapektuhan din ang mga bahay, tubig, kuryente, transportasyon, komunikasyon, at iba pang pasilidad.
Ipinahayag ni Presidential Office Spokesperson Olivia Lin ang pag-aalala ni Pangulong Tsai at ipinaabot ang pakikiramay sa mga biktima at kanilang pamilya. Hiningi rin ni Pangulong Tsai sa The Straits Exchange Foundation na ipahayag ang handang tulong ng Taiwan.
Binanggit din ng Mainland Affairs Council na dahil sa malamig na klima sa apektadong lugar at ang agarang pangangailangan ng tulong sa tirahan ng mga biktima, handang magbigay ng tulong ang Taiwan upang mabilis na makabalik sa normal ang buhay ng mga biktima.