Ngayon taon, ang programa ng pamahalaan para sa libreng bakuna sa trangkaso at COVID-19 ay nagsimula noong Oktubre 1. Inanunsyo ng Centers for Disease Control (CDC) ngoong Oktubre 22 na ang ikalawang yugto ng pagbabakuna ay magsisimula sa Nobyembre 1. Sa yugtong ito, ang mga adult na may edad 50 hanggang 64 na walang mataas na panganib sa chronic na sakit ay puwede nang magpabakuna sa trangkaso, at mayroon ding bagong JN.1 na bakuna sa COVID-19 para sa lahat ng indibidwal na may edad na 6 na buwan pataas. Patuloy na makikipagtulungan ang CDC sa PX Mart, at magtatayo ng mga istasyon ng pagbabakuna sa 74 na tindahan sa buong bansa, at magdadagdag ng dalawang bagong lokasyon sa mga RT-Mart sa Neihu, Taipei at Fengshan, Kaohsiung.
Ayon sa estadistika ng CDC, sa unang tatlong linggo ng kampanyang "Flu Left, New Right," hanggang Oktubre 21, tinatayang 2.663 milyong tao na ang tumanggap ng libreng bakuna sa trangkaso. Mas mababa ito ng 8% kumpara sa 2.897 milyong tao noong nakaraang taon sa parehong panahon, ngunit ang agwat na dulot ng mga holiday dahil sa bagyo ay bumaba mula 10% hanggang 8%.
Binigyang-diin ni Lo Yi-chun, tagapagsalita ng CDC, na simula Nobyembre 1, ang ikalawang yugto ng pagbabakuna ay magiging bukas para sa mga may edad na 50 pataas para sa bakuna sa trangkaso, at ang bakuna sa COVID-19 ay magiging available para sa lahat ng may edad na 6 na buwan pataas. Upang mapadali ang pag-access ng publiko, nakikipagtulungan ang CDC sa PX Mart at mga lokal na kagawaran ng kalusugan upang mag-set up ng mga istasyon ng pagbabakuna sa 74 na tindahan ng PX Mart at 2 tindahan ng RT-Mart (Neihu, Taipei at Fengshan, Kaohsiung), at magbibigay ng mga health gift (mineral water at seasonal fruit) sa unang 100 taong mababakunahan sa mga istasyong ito upang hikayatin ang paglahok.
Nagpaalala si Lo na sa pagdating ng hilagang-silangan na monsoon, ang mga makabuluhang pagbabago sa temperatura ay maaaring magdulot ng mas maagang pagtaas ng mga respiratory infection tulad ng trangkaso at COVID-19. Hinikayat niya ang mga indibidwal na kwalipikado sa unang yugto, kasama na ang mga may edad na 65 pataas, mga bata, at mga high-risk group, na samantalahin ang pagkakataong ito upang magpabakuna.