Ayon sa CDC, mataas ang antas ng MMR vaccination sa Taiwan, kaya mababa ang panganib ng malawakang paglaganap ng tigdas. Karamihan ng mga bata ay nababakunahan ng dalawang beses, na nagbibigay ng higit 95% proteksyon. Ang mga ipinanganak bago ang 1981 ay may natural na antibodies laban sa tigdas matapos magkaroon nito, kaya limitado ang pagkalat ng sakit sa mga nagdaang taon.
Dahil sa pagtaas ng demand para sa MMR vaccine, nananawagan ang CDC na unahin ang pagbabakuna ng mga high-risk na grupo, tulad ng healthcare workers na walang antibodies sa loob ng 5 taon o mga adult na pupunta sa mga bansang laganap ang tigdas gaya ng Vietnam at India.
Ang mga healthcare workers ay maaaring magpa-test muna kung may antibodies na sila para hindi na kailanganing magpabakuna muli. Mababa rin ang bilang ng kumpirmadong kaso ng tigdas sa mga nakasalamuha ng mga apektado, kaya’t walang dahilan para mag-panic ang publiko.