Ang Legislative Yuan ay nagsimulang walang tigil na talakayin ang taunang badyet ng pamahalaang sentral noong Enero 20. Kaninang madaling araw, tinalakay ang badyet ng Opisina ng Pangulo, kung saan 70% ng budget para sa mga operasyon nito ay na-freeze. Maaari lamang itong magamit matapos ang implementasyon ng 30% at kinakailangang aprubahan ng sesyon ng kongreso. Bukod dito, ang badyet para sa mga kagamitan sa impormasyon at publikasyon ng balita ay parehong naputol at na-freeze.
Sa badyet ng gastusin ng State Affairs Fund na nagkakahalaga ng 30 milyong New Taiwan Dollars (NTD), 10 milyon dito ang tinanggal at 20 milyon ang na-freeze. Kinakailangang maghain ng detalyadong ulat ng paggamit mula 2020 hanggang kasalukuyan sa Judiciary and Organic Laws and Statutes Committee sa loob ng tatlong buwan para magamit ang pondo.
Samantala, 30% ng budget para sa operasyon ng National Security Council (NSC) ay na-freeze. Halos kalahati ng budget para sa mga pansamantalang empleyado ang tinanggal, gayundin ang budget para sa mga konsultasyon at pananaliksik. Kinakailangang magsumite ng espesyal na ulat at aprubahan ito bago magamit ang pondo.
Sa Ministry of Digital Affairs naman, bagama’t unang iminungkahi ng Kuomintang Party na bawasan ang budget ng ministeryo at ng Digital Industry Agency sa 1 NTD, kalaunan ay binawi ang panukala. Gayunpaman, inaprobahan ang panukala ng Taiwan People's Party na alisin ang mahigit 200 milyong NTD mula sa budget dahil sa mababang epektibidad ng kampanya laban sa panloloko.
Ang 600 milyong NTD para sa mga subsidyong nakapaloob sa proyekto ng "Democratic Network Connections and Innovations" ay binawasan ng 400 milyon dahil sa kulang na detalye sa plano. Ang "Application and Enhancement of Digital Resilience" na may budget para sa subsidyong higit sa kalahati ay natapyasan din. Bukod dito, ang budget na 42 bilyong NTD para sa "Promoting Digital Innovation and Transformation" ay nabawasan ng 20 bilyon at na-freeze ng 10 bilyon.
Para naman sa budget na nakalaan para sa "foreign travel expenses," na orihinal na 7.616 milyong NTD, ito ay binawasan ng malaking bahagi na nagkakahalaga ng 7 milyong NTD.