Ang biglaang pagpanaw ng aktres na si Barbie Hsu (Xu Xiyuan) sa Japan dahil sa komplikasyon ng trangkaso ay nagdulot ng pag-aalala sa maraming tao kung paano humingi ng medikal na tulong habang nasa ibang bansa.
Ayon kay Dr. Chen Wenbi, isang doktor na nakabase sa Japan, mahalagang maghanda bago bumiyahe. Pinapayuhan niyang:
✔ Kunin ang contact number ng embahada o konsulado para sa emergency.
✔ Kuhanan ng litrato ang iniinom na gamot at medikal na rekord upang madaling maipakita sa doktor.
✔ Magkaroon ng travel insurance upang maiwasan ang malaking gastusin sa pagpapagamot sa ibang bansa.
Dagdag pa niya, ang mga diplomatic offices ay may listahan ng mga Taiwanese doctors na maaaring makatulong sa mga nangangailangan.
Isa sa pinaka-karaniwang problema ng mga pasyente sa ibang bansa ay ang language barrier. Para sa mga naka-group tour, kadalasang may translator ang travel agency. Para naman sa mga solo travelers, maaaring humingi ng tulong sa Taiwanese community groups, tulad ng sa Japan, kung saan may mga boluntaryong tumutulong sa pagsasalin at pag-aasikaso ng pagpapagamot.
Paalala ni Dr. Chen, ang tamang paghahanda bago bumiyahe ay makakatulong upang maiwasan ang abala at stress sakaling magkaroon ng emerhensiya sa ibang bansa.