Inaprubahan na ng central government ang pangunahing disenyo at kabuuang pondong NT$36.159 bilyon para sa pagpapalawig ng Taoyuan Metro Green Line mula Bade District hanggang Taiwan Railways Zhongli Station. Magkakaroon ito ng koneksyon sa Airport MRT A23 Station sa pamamagitan ng underground platform.
Ayon sa Taoyuan MRT Engineering Bureau, ang proyektong may habang 7.2 kilometro ay magkakaroon ng 6 na istasyon—1 elevated at 5 underground.
Sinimulan na ang paghahanda ng mga dokumento para sa bidding upang mapabilis ang konstruksyon. Ang G25 Station ay inaasahang magiging major transport hub na mag-uugnay sa tatlong linya: Taiwan Railways, Green Line, at Airport MRT.
Dagdag pa rito, ang linya ay magsisilbi sa mga lugar na may social housing, paaralan, ospital, at mga bagong development areas, na magkakaroon ng seamless connection sa iba pang linya ng MRT.